കണ്ണൂർ: ഐപിസി മലബാർ കേരള സ്റ്റേറ്റ് ഇവാഞ്ചലിസം ബോർഡിന്റെ ഈ വർഷത്തെ പ്രവർത്തനോദ്ഘാടനം ഐപിസി ഹെബ്രോൻ ചർച്ച്, കൊട്ടൂർവയലിൽ നടന്നു.
ഇവാഞ്ചലിസം ബോർഡ് ചെയർമാൻ പാസ്റ്റർ സാംകുട്ടി കെ. എം. അധ്യക്ഷത വഹിച്ച യോഗം ഐപിസി മലബാർ കേരള സ്റ്റേറ്റ് സെക്രട്ടറി പാസ്റ്റർ ബിജോയ് കുര്യാക്കോസ് ഉദ്ഘാടനം ചെയ്തു. സ്റ്റേറ്റ് പ്രയർ ബോർഡ് സെക്രട്ടറി പാസ്റ്റർ ബാബു മഞ്ചേരി മുഖ്യസന്ദേശം നൽകി.
ഇവാഞ്ചലിസം ബോർഡ് സെക്രട്ടറി പാസ്റ്റർ ഷാജി പി. തോമസ് ഈ വർഷം നടപ്പിലാക്കാൻ ഉദ്ദേശിക്കുന്ന വിവിധ സുവിശേഷീകരണ പദ്ധതികളുടെ പ്രവർത്തനങ്ങൾ യോഗത്തിൽ അവതരിപ്പിച്ചു.
സെന്റർ ശുശ്രൂഷകരായ പാസ്റ്റർ സന്തോഷ് മാത്യു, പാസ്റ്റർ പി. ജെ. ജോസ്, പാസ്റ്റർ കെ. ഐ. വർഗീസ് എന്നിവർ വിവിധ ശുശ്രൂഷകൾക്ക് നേതൃത്വം നൽകി.
കൗൺസിൽ അംഗങ്ങളും വിവിധ ബോർഡുകളുടെ ചുമതല വഹിക്കുന്ന ശുശ്രൂഷകരുമായ സജി കെ. മാത്യു, അനീഷ് തോമസ്, കെ. സി. സക്കറിയ, മധുസൂദനൻ, കെ. എം. മാത്യു, സഹോദരന്മാരായ ബേബി എബ്രഹാം, കെ. ഇ. ജേക്കബ്, തോമസ് ജേക്കബ്, ടോമി കെ. ജെ., ശശി ജോസ് എന്നിവരും മലബാർ കേരള സ്റ്റേറ്റ് വുമൺസ് ഫെലോഷിപ്പ് ട്രഷറർ ഉഷാ സാം, സ്റ്റേറ്റ് സൺഡേ സ്കൂൾ ട്രഷറർ പാസ്റ്റർ മോൺസി ടി. ജെ. എന്നിവരും യോഗത്തിൽ പങ്കെടുത്ത് ആശംസകൾ അറിയിച്ചു….
വാർത്ത: പാസ്റ്റർ അനീഷ് തോമസ്
